Christian Eriksen mund të largohet nga Interi
I pa favorizuar nga trajneri Antonio Conte, Christian Eriksen mund të largohet nga Interi në merkaton e janarit nëse një ofertë tërheqëse vjen në drejtim të zi-kaltërve, raporton “Calciomercato”.
Paris-Saint-Germain është njëra nga skuadrat e interesuara për reprezentuesin nga Danimarka.
Eriksen, i cili erdhi në Inter nga Tottenhami, deri më tani nuk ka arritur të tregojë kualitetet e tij dhe nuk ka gjetur gjuhën e përbashkët me trajnerin Antonio Conte.
Si në sezonin e kaluar, ashtu edhe tani, Eriksen është duke luajtur shumë pak minuta.
