Cilët persona nuk duhet të marrin qetësues dhe ilaçe kundër pagjumësisë?

Në një studim të botuar më 17 shkurt në JAMA Network Open, studiuesit ekzaminuan të dhënat nga më shumë se 550,000 vizita ambulatore nga të rriturit për pagjumësi në institucionet e kujdesit parësor në Pekin midis 2016 dhe 2020.

Ata përfshinin vetëm pacientë që morën të paktën një recetë për një agonist të receptorit benzodiazepine (BZRA), një grup ilaçesh që përdoren për të trajtuar pagjumësinë dhe ankthin.

Për shkak se disa nga këto barna përdoren gjithashtu për të trajtuar ankthin, studiuesit përjashtuan pacientët që ishin diagnostikuar me ankth ose depresion.

Në studim, studiuesit zbuluan se shkalla e përgjithshme e recetave të benzodiazepinave u rrit nga 34.8 përqind në 62.8 përqind gjatë periudhës së studimit.

Rritja më e madhe u pa te pacientët e moshës 85 vjeç e lart, duke u rritur në 68.3 përqind në 2020; dhe moshat 75 deri në 84 vjeç, duke u rritur në 65.4 përqind në 2020.

Në vitin 2020, recetat e benzodiazepinave u rritën me moshën e pacientit. Përveç kësaj, të moshuarve iu dhanë receta me një dozë ditore të ngjashme si të rinjtë, zbuluan studiuesit.

Përdorimi i benzodiazepinës tek të moshuarit shoqërohet me një rrezik të shtuar për aksidente trafiku, rrëzime dhe fraktura, shtrimin në spital dhe vdekje.

Megjithëse udhëzimet janë kundër përdorimit rutinë të benzodiazepinave tek të rriturit e moshuar, ne kemi vërejtur një rritje të konsiderueshme të përshkrimit të benzodiazepines tek të rriturit e moshuar, pavarësisht nga ndjeshmëria e tyre ndaj efekteve anësore të lidhura me benzodiazepinat.