Danimarkë, bunkeri bërthamor hapet si muze

Danimarka ka hapur një bunker bërthamor për publikun, i cili do të shërbejë si një muze mahnitës, me foto e paranojës së epokës së Luftës së Ftohtë. Është një nga shumë strehimoret bërthamore që u ndërtuan kur bota ishte e ndarë dhe vazhdimisht në prag të holokaustit bërthamor, gjatë periudhës së konfrontimit midis BRSS-së dhe SHBA-së dhe gjatë Luftës së Ftohtë. Bunkeri ndodhet në pyllin Rold të Jutlandës veriore, rreth 400 kilometra në veriperëndim të Kopenhagës. Ai është ndërtuar në fshehtësi në vitet 1960, në kulmin e tensioneve të Luftës së Ftohtë dhe është vendi ku qeveria daneze, madje edhe Mbretëresha, do të strehoheshin nëse do të shpërthente lufta bërthamore. Pas vitesh përgatitjesh, ai u hap për herë të parë për publikun, si muze. Vetëm 50,000 vizitorë lejohen çdo vit dhe aksesi është i kufizuar në grupe të vogla prej 10 personash në turne 90-minutëshe me guida që eksplorojnë 2 km të sistemit rezervë labirint.