Derisa Albin Kurti mban fjalim, PSD lëshon dron me një mesazh
Kryetari i Partisë Socialdemokrate në Kosovë, Dardan Molliqaj ka treguar se aktivist nga partia e tij kanë ngritur një dron në qendrën e Prishtinës deri sa kreu i Vetëvendosjes Albin Kurti po mbante fjalim në tubimin përmbyllës.
“Një aeroplan lodër fluturon e tregon. Zhytja e thellë aty ku gëlon propaganda mbytëse krijon univers paralel, pa kohë e hapësirë. Një aeroplan lodër fluturon. Qielli do të mbetet i hapur, pa skaj, sepse liria është kushti njerëzor. Idetë e reja nuk do të mbarojnë sa t’ketë njerëzi. Kush pretendon fundin veçse i ka dhënë fund vetes”, ka shkruar ai.
