Diego Simeone: Askush nuk është i paprekshëm

Duket se divorci mes sulmuesit portugez ZHoao Feliks dhe skuadrës së Atletiko Madridit është i pashmangshëm. Ai që ka konfirmuar gjithçka është trajneri i “colchoneros”, Diego Simeone.

“Ajo që ka për të ndodhur do të ndodhë. Asnjë nuk është i paprekshëm”. Sigurisht që Zhoao është një lojtar i madh, i rëndësishëm dhe bëri një botëror të mirë me Portugalinë. Mori pjesë në shumë aksione goli dhe tregoi vlerat e tij. Shpresoj që të rikthehet tek ne në të njëjtën gjendje fizike e emocionale që ishte në Botëror dhe të ketë të njëjtën qetësi që tregoi në Katar”, u shpreh Diego Simeone, që nuk ka një marrëdhënie të mirë me lojtarin.