Drejtori i CIA-s nxiton në Doha, delegacioni i Hamasit largohet nga Kajro
Burns është rrugës për në Doha për një takim urgjent me kryeministrin e Katarit, në mënyrë që të ushtrojë presion maksimal ndaj Izraelit dhe Hamasit për të vazhduar negociatat
Delegacioni i lëvizjes militante palestineze Hamas do të largohet sonte nga Kajro, ku në prani të ndërmjetësuesve nga Shtetet e Bashkuara, Egjipti dhe Katari u zhvilluan negociata për armëpushim dhe lirimin e pengjeve nga Gaza.
Delegacioni ia dorëzoi përgjigjen e tij ndërmjetësuesve egjiptianë dhe katar dhe tani po kthehet në Doha për konsultime të mëtejshme, tha Hamasi, raporton The Times of Israel.
Në të njëjtën kohë, një zyrtar i paidentifikuar tha se drejtori i Agjencisë Qendrore të Inteligjencës Amerikane (CIA), William Burns, do të udhëtojë urgjentisht në Doha për bisedime me kryeministrin e Katarit, Mohammed Al-Thani, ndërsa negociatat për lirimin e pengjet janë “në prag të kolapsit”, sipas “The Times of Israel”.
Portali raporton se do të diskutohet edhe për një armëpushim të përkohshëm.
Burns është rrugës për në Doha për një takim urgjent me kryeministrin e Katarit, në mënyrë që të ushtrojë presion maksimal ndaj Izraelit dhe Hamasit për të vazhduar negociatat, tha burimi.
