Emeri: Liverpulli i fortë, por tani luajmë në stadiumin tonë
Trajneri i Viljarrealit, Unai Emeri, beson se skuadra e tij mund të hakmerret për humbjen e Liverpullit në ndeshjen e parë gjysmëfinale të Ligës së Kampionëve. “Të kuqtë” festuan fitoren 2-0 në “Anfield”, ndërsa ndeshja e kthimit është planifikuar në terrenin e Viljarealit. Emeri ka nderuar skuadrën angleze për lojën e zhvilluar në ndeshjen e parë, por ende beson në mrrekulli.
“Asgjë nuk ka përfunduar ende, por ne duhet të kemi një ndeshje perfekte. Asnjë gabim. Ne duhet të gjejmë dobësitë e tyre. Në Angli, Tiago Alkantara bëri një ndeshje perfekte. Ai ishte lojtari më i mirë në fushë. Fabinjo ishte gjithashtu i mrekullueshëm. Por tani do të luajmë në stadiumin tonë”, tha trajneri i Viljarrealit.
Emeri është trajneri më i suksesshëm në historinë e Ligës Europa, pasi që fitoi katër trofe (tri herë radhazi me Seviljën dhe një herë me Viljarrealin).
