Emrat e rinj në Qeveri janë dëshmuar profesionistë, shprehet nënkryetarja e LSDM-së

Emrat e rinj në kabinetin qeveritar janë profesionistë të dëshmuar dhe sjellin energji të re në skenën politike, ka thënë Bisera Kostadinovska Stojçevska, nënkryetare e LSDM-së, e ftuar sonte në emisionin “200” në Alsat. Ajo i hedh poshtë zërat se janë angazhuar për të mbuluar keqqeverisjen e deritanishme të LSDM-së.

“Emrat e rinj janë të gjithë profesionistë të dëshmuar në fushën e tyre. Siç tha kandidati për kryeministër, Kovaçevski, këta janë emra që mund të kontribuojnë në resorin ku janë emëruar. Këta emra sjellin energji të re në skenën politike dhe vizion të ri”, ka thënë Kostadinovska Stojçevska.