Erëza më e shtrenjtë në botë kushton deri në 3000 dollarë për kilogram

Çmimi i shafranit arrin deri në 3000 dollarë për kilogram dhe konsiderohet si erëza më e shtrenjtë në botë.

Një nga arsyet është se shafrani lulëzon vetëm tre javë gjatë gjithë vitit, në muajin mars. Kërcelli është i ulët, gjë që e vështirëson procesin e vjeljes, ndaj për një kilogram shafran duhet të mblidhen nga 150 deri në 200 mijë lule. Ajo është korrur ekskluzivisht me dorë.

Prodhuesit më të mëdhenj të shafranit janë Spanja dhe Irani, të cilët prodhojnë më shumë se 80% të prodhimit botëror. Në Iran e quajnë “ari i kuq”, dhe në Evropë rritet në zonën e Mesdheut.

Shafrani ka përfitime të shumta shëndetësore, disa prej të cilave janë zbutja e simptomave të depresionit, përmirësimi i kujtesës dhe përqendrimit, përmirësimi i shëndetit të syve, ulja e nivelit të sheqerit në gjak, si dhe përmban kartenoide që janë efektive në luftën kundër formimit të qelizave malinje.

Shafrani ka një erë të fortë dhe një shije pak të hidhur. Mjafton vetëm një e katërta e lugës për t’i dhënë aromë dhe ngjyrë gjellës dhe shitet në sasi të vogla. Duhet pasur parasysh se në sasi më të mëdha është i rrezikshëm për shëndetin dhe sasia e sigurt ditore është 1.5 gram. Pesë gramë janë toksike, 10 gramë shkaktojnë abort dhe 20 gramë mund të shkaktojnë vdekje.