Ndeshjet e “Euro 2020” mund të jenë shkaku kryesor i rritjes së rasteve me “COVID-19” në një nga vendet pjesëmarrëse në turne. Autoritet finlandeze mendojnë se rritja me 100 raste në ditë e infektimeve në këtë periudhë është pasojë e udhëtimit të tifozëve për të ndjekur ndeshjet e përfaqësueses së tyre në këtë turne historik.
Udhëtimi për të ndjekur ndeshjen në Shën Petersburg mes Rusisë dhe Finlandës, mendohet se ka qenë burimi më i madh i infektimeve.
“Këta janë të gjithë njerëz që kanë shkuar të shohin ndeshjen”, deklaroi Risto Pietikainen, doktori përgjegjës për qendrën spitalore në pikën kufitare, ku janë konstatuar një numër i madh personash të infektuar.
Autoritetet shëndetësore tregojnë se pjesa më e madhe e infektimeve ka ardhur nga një grup i madh prej 15 autobusësh me tifozë që kthehej nga Shën Petersburgu për sfidën në fjalë.
