Facebook po bllokon njerëzit nga funksioni shumë i popullarizuar në iPhone – a keni edhe ju probleme të njejta?

Nëse keni probleme me modalitetin e errët në Facebook, atëherë nuk jeni vetëm. Përdoruesit në mbarë botën janë ankuar se funksioni në mënyrë misterioze ka ndaluar së punuari në iPhone-in e tyre. Një defekt i bezdisshëm po bën që aplikacioni të kthehet në modalitetin tradicional të ndriçimit sa herë që e hapni.

Modaliteti i errët zëvendëson të bardhën dhe ngjyrat e tjera të ndritshme me tone më të errëta dhe të zezën, e cila jo vetëm që u bën më pak tendosje syve, por mund të kursejë edhe baterinë. Është bërë super popullor vitet e fundit nëpër aplikacione duke përfshirë WhatsApp, Instagram dhe Google Chrome.

Problemi në Facebook duket se ka nisur pas një përditësimi të fundit të aplikacionit.
379.0, versioni më i fundit i aplikacionit iOS të Facebook, është krijuar për të “rregulluar disa përplasje dhe për të bërë funksionet të ngarkohen më shpejt” sipas shënimeve të lëshimit të vetë firmës.

Në vend të kësaj, duket se ka krijuar probleme të reja krejtësisht.