Ferrari, me makinën më të shtrenjtë në Formula 1

Ferrari vijon të jetë makina më e shtrenjtë në Formula 1, pavarësisht se prej vitesh nuk është në lartësinë e saj në pistë, duke mos fituar dot prej 16 vitesh një titull kampion. Revista e njohur “Forbes” ka bërë një analizë së vlerës financiare të 10 skuadrave të Formula 1.

Të gjitha skuadrat kanë njohur një rritje të vlerës së tyre, çka e bën këtë sport mjaft tërheqës në aspektin ekonomik. Skuadrat kanë njohur një rritje me 276% krahasuar me vitin 2019, kur Forbes ka bërë analizën e saj të fundit. Makina lider për sa i përket vlerës së saj mbetet Ferrari, me 3.9 miliardë dollarë, me një rritje me 189% krahasuar me vitin 2019. Pas saj vjen Mercedes e Red Bull, që gjithashtu njohin një rritje të ndjeshme. /Telesport/

Vlera e makinave të Formula 1

Ferrari,         3.9 miliardë dollarë

Mercedes,   3.8

Red Bull,     2.6

McLaren,    2.2

Alpine,       1.4

Aston Martin, 1.3

Alpha Tauri, 1.1

Alfa Romeo, 0.9

Haas, 0.78

Uilliams, 0.72