Filadelfia befason Nju Jorkun, Milluoki mund Indiana-n
Basketbollistet e Filadelfia 76ers mposhtën Nju Jorkun, pas kohës shtesë me rezultatin 112:106 dhe për momentin shmangën rënien nga “Play-Off”-i në NBA. Heroi i Filadelfia-s ishte Tajrez Maksej, i cili shënoi shtatë pikë në 25 sekondat e fundit të pjesës së rregullt të ndeshjes dhe në fund ndeshja u mbyll me 46 pikë, për të duke i dhënë fitoren e dytë skuadrës së tij edhe pse Nju Jorku vazhdon të udhëheqin me rezultat 3-2.
Xhoel Embiid përfundoi ndeshjen me 19 pikë, 16 kërcime dhe 10 asistime për Filadelfia-n, të cilët do të presin ndeshjen e gjashtë të enjten mbrëma. Në radhët e Nju Jorkut më efikas ishte Xhejlen Brunson me 40 pikë.
Donovan Mitçell shënoi 28 pikë, Evan Mobli bllokoi rreshtimin e Franko Vagner në sekondat e fundit për të mundësuar që Klivlendi të shënojë fitore ndaj Orlandos 104:103 dhe për të kaluar në epërsi 3-2 në serinë çerekfinale të Konferencës Lindore.
Kris Midëllton dhe Bobi Portis shënuan secili nga 29 pikë dhe Milluoki mundi Indiana-n me rezultat 115-92 në ndeshjen pestë të serisë së tyre të Play-Offit, duke ulur deficitin në 3-2. Tajriz Halibarton ishte më efikasi te Indiana me 16 pikë, por që nuk mjaftuan për të marrë fitore.
