Filloi debati për rishikimin e buxhetit, VMRO-ja ka parashtruar 177 amendamente

Propozimi për rishikimin e buxhetit sot u gjend para deputetëve në komisionin amë. Ministri për financa Fatmir Besimi para deputetëve theksoi rëndësinë e rishikimit të buxhetit si domosdoshmëri për financimin e masës së katërt ekonomike për shpëtimin e ekonomisë të goditur nga pandemia. Për propozimin për rishikim të buxhetit janë parashtruar 186 amendamente, prej të cilëve pjesa më e madhe, gjegjësisht 177 nga VMRO-DPMNE-ja opozitare. Rishikimi i buxhetit do të jetë në Komisionin amë në 10 ditët e ardhshme, ndërsa më pas do të gjendet para deputetëve në seancë plenare.