Fraksion në VMRO -DPMNE për shkarkimin e Mickoskit

Gazetar: Lluka Andreev

Oliver Andonov, kreu i fraksionit të ri në parti, ka kërkuar që Mickoski të japë dorëheqje nga kryesimi i VMRO-DPMNE-së. Sipas tij, vetëm dorëheqja e kreut të partisë do t’i hapë rrugën ndryshimeve demokratike në parti.

“Kur them ‘i harxhuar’, e mendoj politikisht”. Sepse nëse kthehemi pesë vjet mbrapa, më thoni një që Mickoski bëri me të cilën VMRO-DPMNE mund të krenohet, se mori pjesë në ndonjë proces, ose mbrojti ndonjë interes kombëtar në Maqedoni”, tha Oliver Andonov – anëtar i VMRO-DPMNE-së.

Andonov thotë se ka mbështetjen e një numri të madh të anëtarëve të partisë, përfshirë anëtarët e KQ të VMRO-DPMNE-së. Ai tha se tani është koha e krijimit të fraksionit, sepse këtë e ka kërkuar anëtarësia dhe ka bërë thirrje edhe për unitet.

“Çfarë nëse Mickoski nuk jep dorëheqjen tani?! Epo, nuk pres që ai të dalë të japë dorëheqjen tani, ose botet që mi dërgon të më thonë se do të japë dorëheqjen pas dy javësh… Mickoski tani nuk do të japë dorëheqje. Mickoski do të detyrohet të largohet nga partia nën presionin e anëtarësisë. Kjo luftë do të vazhdojë”, u shpreh Oliver Andonov – anëtar i VMRO-DPMNE-së.

Por kreu i VMRO DPMNE-së Hristijan Mickovski mohon të ketë fraksion.

“Nuk mund të them se ka fraksion në VMRO-DPMNE. Njerëz të tillë më ndërrojnë çdo ditë për katër vjet e gjysmë, ndërsa VMRO-DPMNE po forcohet, është më e bashkuar dhe më kohezive, kështu do të jetë edhe në zgjedhjet e ardhshme parlamentare, me një fitore rekorde me shumicë në parlament. Nuk kam kohë të humbi kohë duke komentuar atë”, deklaroi Hristijan Mickoski – Kryetar i VMRO-DPMNE-së.

Nga VMRO DPMNE, iniciativa e Andonovit është vlerësuar si e pashpresë dhe e parëndësishme. Andonov si ish-zyrtar i lartë partiak ka kohë që kritikon vendimet e kryesisë në rubrika. Me propozim të Qeverisë së VMRO-DPMNE-së, në vitin 2016 është emëruar edhe ministër i Punëve të Brendshme dhe në atë pozitë ka qëndruar vetëm një ditë, pas së cilës u bë drejtor i NP Jasen./Alsat.mk