Presidenti francez, Emmanuel Macron, ka deklaruar se Franca dhe Europa po përballen me një shtim të kërcënimeve hibride që ai i lidh me Rusinë.
Pas një takimi me drejtues të partive parlamentare, Macron tha se natyra e agresionit rus po ndryshon dhe se nevojitet mbrojtje më e madhe e infrastrukturës kritike, përfshirë objektet e industrisë së mbrojtjes, nga sulmet me dronë dhe sulmet kibernetike.
Si shembuj të kërcënimeve të fundit, ai përmendi incidentin pranë kufirit Ukrainë-Poloni, ku një dron rus goditi një tren pasi një tren diplomatik, ku ndodheshin ish-kryeministri britanik Boris Johnson dhe zyrtarë të tjerë, ishte larguar nga stacioni.
Macron iu referua gjithashtu rastit në Aeroportin Leipzig/Halle në Gjermani, ku autoritetet gjermane e kanë atribuar Rusisë një sulm të dyshuar me dron të mbushur me eksploziv pranë një avioni ukrainas. Rusia i ka mohuar akuzat.
“Ne nuk do të frikësohemi”, deklaroi Macron, duke theksuar se siguria e Europës lidhet drejtpërdrejt me luftën në Ukrainë./Alsat.mk
