Luftëtari amerikan i MMA-së, Xhastin Gaetje, u bë kampioni i përkohshëm i peshave të lehta në “UFC” (deri në 70 kilogramë) pasi mposhti Padi Pimblettin në “UFC 324”. Gaetje e mundi britanikun në T-Mobile Arena në Las Vegas dhe festoi me një vendim unanim nga gjyqtarët pas një “lufte” fenomenale prej pesë raundesh, të cilën shumë tifozë e konsiderojnë tashmë si një nga ndeshjet e vitit.
Ai dominoi Pimblett në dy raundet e para dhe kontrolloi ndeshjen, pasi britaniku nuk arriti ta çonte ndeshjen në dysheme, që ishte strategjia e tij kryesore. Gaetje festoi me vendim unanim të gjyqtarëve dhe mbrojti rripin e përkohshëm të peshave të lehta për herë të dytë në karrierën e tij.
Më vonë këtë vit, Gaetje ka të ngjarë të ndeshet me Ilija Topuria për statusin e kampionit të padiskutueshëm, duke e bërë këtë një tjetër ndeshje të mundshme epike. Për 37-vjeçarin Gaetje, kjo është fitorja e 27-të në paraqitjen e tij të 32-të profesionale, dhe nëse arrin të fitojë ndeshjen e ardhshme, kjo mund të konsiderohet kurorëzimi i madh i karrierës së tij.
