Gara me kohën për të gjetur të mbijetuar nga tërmeti i cili ka vrarë më shumë se 5000 persona

Ekipet e shpëtimit po përdorin duart e tyre të zhveshura për të kërkuar për të mbijetuar nga tërmeti shkatërrues, i cili tani ka vrarë më shumë se 5,000 njerëz në Turqi dhe Siri.

Tërmeti me magnitudë 7.8 rrëzoi blloqe të tëra apartamentesh, shkatërroi spitale dhe la mijëra njerëz të plagosur ose të pastrehë në të ftohtin e dimrit.

Tani po mbaron koha për të shpëtuar familjet ende të pagjetura pasi shtëpitë e tyre u shembën sipër tyre derisa flinin.

Temperaturat ranë afër ngrirjes gjatë natës, duke penguar përpjekjet e shpëtimit dhe duke përkeqësuar kushtet për ata që ende nuk janë shpëtuar.

Ekipet e kërkimit janë dërguar nga e gjithë bota për të ndihmuar në përpjekjet e shpëtimit, por një ditë pasi goditi tërmeti, numri i ekuipazheve të emergjencës në terren mbeti i pakët.

Ato përfshijnë inxhinierë strukturorë, ushtarë, paramedik dhe punonjës me qen kërkimi të trajnuar.

Por përpjekjet e tyre janë penguar nga rreth 200 pasgoditje, gjë që e ka bërë të rrezikshëm kontrollimin e strukturave të paqëndrueshme.

Organizata e ndihmës mjekësore Mjekët pa Kufij konfirmoi se një nga anëtarët e stafit të saj u vra kur shtëpia e tij në provincën Idlib të Sirisë u shemb. Të tjerë humbën anëtarët e familjes.