Gjashtë të vdekur, pas të shtënave me armë në një ndërtesë në Kanada
Gjashtë të vdekur, pas të shtënave me armë në një ndërtesë në Kanada
Pesë persona u vranë nga të shtënat në një ndërtesë në një periferi të Torontos të dielën në mbrëmje, tha policia.
Sipas mediave të huaja, rreth orës 19:20, oficerët iu përgjigjën një thirrjeje aktive për të shtëna në ndërtesën në Vaughan, një qytet në veri të Torontos, tha shefi i policisë rajonale Jim MacSween në një konferencë shtypi.
Policia gjeti një “skenë të tmerrshme ku vdiqën disa persona”, tha MacSween.
Një i plagosur u dërgua në një spital ku pritet të mbijetojë, ka shtuar ai.
Siç bëhet e ditur më tej, i dyshuari është qëlluar pas një “ndërveprimi” me policinë dhe në vendin e ngjarjes është konstatuar i vdekur, sipas policisë.
Ndërkohë një njësi e reagimit emergjent po punon për të pastruar ndërtesën në mënyrë që banorët e zhvendosur të kthehen në shtëpitë e tyre.
“Ajo që ne po përpiqemi të bëjmë është të sigurohemi që banorët që jetojnë në këtë ndërtesë të jenë në gjendje të kthehen sa më shpejt të jetë e mundur. Kjo do të marrë pak kohë”, ka thënë më tej MacSween.
Policia ende është duke njoftuar familjet e viktimave, kështu që identiteti i tyre nuk është bërë i ditur publikisht, tha ai.
Motivi i të dyshuarit nuk është bërë i ditur dhe policia nuk ka treguar se çfarë çoi deri të shtënat.