Gjatë fundjavës temperaturat nën zero

Moti do të jetë me diell me vranësira mesatare dhe i ftohtë. Do të fryjë erë e lehtë deri mesatare nga veriu, sidomos përgjatë Vardarit. Nga fundi i ditës, vranësirat do të rriten. Temperatura minimale do të jetë në intervalin prej -7 deri në 0, kurse maksimumi do të arrijë nga -2 në 6 gradë Celsius. Në Shkup temperatura nesër do të jetë nga -4 deri 3 Gradë Celsius, njofton DPHM.

Gjatë fundjavës dhe në fillim të javës tjetër do të mbizotërojë kryesisht mot i thatë dhe shumë i ftohtë, ku temperaturat ditore që në pjesën më të madhe të vendit do të jenë nën zero. Do të fryjë erë e lehtë deri në mesatare, ndërsa përgjatë Vardarit do të ketë erë të fortë veriut. Të shtunën do të ketë reshje të dobëta bore.