Granada befason Napolin, Arsenali barazon ndaj Benfikës

Një nga sfidat më të zjarrta të mbrëmjes në Ligën Europa u zhvillua në “Olimpico” të Romës mes Benfikës dhe Arsenalit që u mbyll në barazim 1-1, duke e lënë të hapur çështjen e kualifikimit. Të dy golat u shënuan në pjesën e dytë. Fillimisht realizoi Pizzi i skuadrës portugeze, me 11-metërsh, ndërsa për “Topçinjtë” barazoi Saka.

Napoli është me një këmbë jashtë kompeticionit, pas disfatës 2-0 në fushën e Granadas, për të cilën realizuan Herrera dhe Kenedy në një hark kohor prej dy minutash (19’ dhe 21’).

Merr rezultat mjaft pozitiv Ajaksi i Amsterdamit, që iu imponua 1-2 francezëve të Lille. Vendësit kaluan të parët në epërsi me Ëeah, por “harkëtarët” u kundërpërgjigjën me Tadic (11-m) dhe Brobbey.

Villareali gjithashtu shkon me avantazh shumë të madh në sfidën e kthimit pas suksesit 0-2 në fushën e Salzburgut, ku realizuan Alcacer (humbi gjithashtu 11-metërsh në pjesën e parë) dhe Nino.

U shënuan plot shtatë gola në sfidën mes Antëerpit dhe Rangers, ku pati përmbysje e ripërmbysje e ku në fund triumfuan skocezët 3-4.

Përfundoi 3-3 Molde-Hofenheim, ndërsa Makabi Tel Aviv – Shaktat Donetsk u mbyll 0-2.