Gratë lejohen të votojnë për herë të parë në një seancë të Sinodit të Peshkopëve të Kishës Katolike Romak

Në prill, Papa Françesku miratoi ndryshimet në normat që drejtojnë Sinodin e Ipeshkvijve, duke i hapur rrugën grave për të mbajtur 54 nga 365 votat.

“Ky është një hap i jashtëzakonshëm përpara për gratë. “Jo vetëm për shkak të ngjarjeve të këtij tetori në Romë, por edhe sepse kisha gjeti një mënyrë tjetër për të qenë kishë”, tha drejtoresha e Observatorit Botëror të Grave, Maria Lia Cervino.

Sinodi trejavor, i cili do të mbahet me dyer të mbyllura, do të përfshijë qindra delegatë të cilët do të trajtojnë disa nga çështjet më të ngutshme me të cilat përballet kisha – nga roli i grave te beqaria priftërore dhe bekimi i çifteve homoseksuale.

Sesioni do të përfundojë me votim për propozime specifike që më pas do t’i paraqiten Papës për shqyrtim.

Në vend që të fokusohet në një temë, siç është zakonisht, axhenda e këtij Sinodi do të trajtojë çështjen e gjerë se si Kisha Katolike Romake mund të jetë më gjithëpërfshirëse.Megjithëse gratë janë jetike për pjesën më të madhe të punës së kishës, nga mësimdhënia në shkollat ​​katolike deri te stafi i spitaleve katolike, kisha ende i ndalon ato të bëhen priftërinj ose të arrijnë gradat më të larta.

Papa Françesku ka ndërmarrë hapa të rinj për të adresuar këtë çekuilibër, duke emëruar disa gra në poste të larta të Vatikanit.

Megjithatë, vendimi për të lejuar gratë të votojnë në Sinod shkaktoi një protestë nga rrymat konservatore të Kishës Katolike Romake.