Havana me një mesazh për SHBA-në: Nuk duam luftë me Amerikën, por jemi gati të përgjigjemi

Duke iu drejtuar mbështetësve të qeverisë në një përkujtim të 65-vjetorit të pushtimit të Gjirit të Derrave, Diaz-Canel, i veshur me uniformë ushtarake, theksoi se vendi po përgatitej për “skenarin më të keq të mundshëm”, por nuk po kërkonte konflikt.“Ne duhet të jemi të përgatitur të përballemi me kërcënime serioze, përfshirë agresionin ushtarak. Ne nuk e kërkojmë atë, por është detyra jonë të përgatitemi për ta parandaluar atë, dhe nëse rezulton e pashmangshme, ta mposhtim atë”, tha udhëheqësi kubanez.

Presidenti kuban theksoi se vendosmëria e qytetarëve të vendit të tij është forca kryesore e ishullit, duke theksuar se Kuba do të jetë “e pamposhtur” për sa kohë që ka njerëz të gatshëm të sakrifikojnë jetën e tyre për revolucionin.

Tubimi në Havana u shoqërua me sloganin e mbështetësve të qeverisë së mbledhur se Kuba “nuk dëshiron të jetë një koloni amerikane”.

Presidenti i SHBA-së, Donald Trump, kohët e fundit kërcënoi përsëri me mundësinë e veprimeve ushtarake kundër ishullit.

“Ndoshta do ta shqyrtojmë Kubën pasi ta kemi mbaruar këtë”, tha Trump, duke aluduar në luftën aktuale me Iranin.