Helmim masiv në shkollën fillore “Dimo Haxhi Dimov”

Gazetar: Angel Dimovski

“Tre fëmijë janë shtruar në spital, dhe një grup më i madh i fëmijëve nga shkolla fillore “Dimo Haxhi Dimov” në Shkup Vlae kanë simptoma të helmimit”, raporton Angel Dimovski, gazetar.

Shumë nxënës nga shkolla fillore “Dimo Haxhi Dimov”, në komunën e Karposhit janë ankuar për simptoma të helmimit. Më të prekurit janë nxënësit nga klasa e parë deri në të pestën, të cilët kanë shfaqur dhimbje barku dhe shqetësime të tjera gastrointestinale. Disa nga fëmijët u shtruan në Klinikën e Fëmijëve, përfshirë djalin e vogël të kryeministrit Hristijan Mickoski, konfirmuan nga qeveria.

Shërbimet e inspektimit të Institutit të Shëndetit Publik, Agjencisë së Ushqimit dhe Inspektoratit Sanitar kryejnë mbikëqyrje të jashtëzakonshme në shkollë.

“U morën mostra nga çdo gjë në interesin tonë, që janë strishot nga njerëzit që punojnë në kuzhinë, nga duart ashtu edhe nga fyti, hunda, strisho u morën nga sipërfaqet e punës, u morën mostra nga ushqimi i përdorur nga fëmijët, që do të thotë gjithçka që përdorën pavarësisht se nga vinte dhe me këmbënguljen tonë si institut, edhe pse nuk ishte parashikuar, ne përsëri morëm edhe nga uji mostër”, tha Marija Andonova – Drejtore e Institutit të Shëndetit Publik.

Drejtori i Inspektoratit Shtetëror Sanitar dhe Shëndetësor, Kiril Lazov, tha se ata e mbyllën kuzhinën në shkollë dhe urdhëruan pastrim emergjent dhe ekzaminime shëndetësore të punonjësve të shkollës, si dhe mostra nga sipërfaqet e punës.

“Inspektorati Shtetëror Sanitar dhe Shëndetësor, në pajtim me kompetencat e tij, mbyll kuzhinën si burim i mundshëm infeksioni, në të cilin aktvendim gjithashtu shqiptohen masa që duhet të ndërmarrë operatori, si pastrimi emergjent, dezinfektimi emergjent, dezinsektimi dhe deratizimi nga një institucion i autorizuar dhe zbatim i masave të higjienës shëndetësore emergjente për punonjësit”, deklaroi Kiril Lazov – Drejtor i Inspektoratit Shtetëror Sanitar dhe Shëndetësor.

Inspektorët thanë se nesër do të mësohen rezultatet e para nga analizat e inspektimeve. /Alsat.mk