Tashmë jemi mësuar të dëgjojmë për gatime të veçanta dhe të pazakonta kineze, por kjo pjatë i kalon të gjithë kufijtë.
Në rrjetet sociale po qarkullon një video e pjatës duke u servirur me hudhër, djegës dhe erëza të tjera ekzotike, e cila tingëllon joshëse derisa të dëgjoni përbërësin kryesor – gurët!
Në varësi të kohës që kaloni duke lundruar në internet, do të gjeni skena të darkuesve të tmerruar që pështyjnë guralecat nga goja, ose kuzhinierë të kënaqur që zbulojnë këtë recetë të pazakontë.
Pjata unike e quajtur “suodiu” është disa shekullore, transmeton The Guardian. Receta u besohet varkatarëve në provincën Hubei, të cilët po përballeshin me mungesën e perimeve dhe mishit.
Popullariteti i tij ra pasi zhvillimi ekonomik dhe anijet e motorizuara pushtuan në Hubei, duke reduktuar mundësinë që njerëzve të mbaronin furnizimet.
Pjata lidhet gjithashtu me popullin Tujia, një pakicë etnike me origjinë nga vargmalet malore Wuling, në kufijtë midis Hubei, Hunan dhe Guizhou.
Mendimet e përdoruesve të internetit janë të ndara – disa theksojnë të emocionuar se do të provonin “suodiu”, ndërsa të tjerë pyesin nëse përbërësi tjetër në dietën e njeriut do të jetë diçka më e lehtë për t’u përtypur – balta.
