Studiuesit nga Universiteti i Pensilvanisë kanë përcaktuar se cila është kënga më relaksuese në botë që mund të reduktojë ankthin deri në 60%.
157 të rritur të ndarë në dy grupe morën pjesë në anketën e ankthit para operacionit.
Grupi i parë mori një deri në dy miligramë midazolam tre minuta para bllokimit të nervit periferik. Një grup tjetër dëgjoi këngën “Weightless” nga grupi “Marconi Union”, e cila u publikua në vitin 2012.
Rezultatet treguan se pacientët që dëgjuan këngën kishin nivele të ngjashme ankthi me grupin e midazolamit, duke sugjeruar se muzika është po aq efektive në reduktimin e ankthit. Rezultatet u publikuan në vitin 2019 në revistën profesionale Anestezia Rajonale dhe Mjekësia e Dhimbjes.
Megjithatë, studiuesit vunë re se pacientët që morën ilaçin raportuan se ishin më të kënaqur me përvojën e përgjithshme sesa grupi tjetër. Ata besojnë se kjo mund të jetë për shkak se pacientët nuk u lejuan të zgjidhnin se çfarë të dëgjonin ose sepse është më e lehtë të komunikosh pa muzikë.
“Terapia muzikore mund të jetë një alternativë ndaj përdorimit të midazolamit përpara anestezisë rajonale periferike. Megjithatë, nevojiten hulumtime shtesë”, theksuan ata.
