Inteligjencëa amerikane: Putin ka kancer, i ka shpëtuar një atentati në mars

Presidenti rus, Vladimir Putin është i sëmurë me kancer dhe i është nënshtruar një trajtimi në prill. Pas njoftimit nga kreu i inteligjencës ukrainase, konfirmimi vjen tashmë edhe nga inteligjenca amerikane.

Lajmi është raportuar nga Newsweek, duke cituar inteligjencën amerikane, sipas së cilës presidenti rus i kishte shpëtuar një atentati në mars.

Inteligjenca amerikane është e shqetësuar për një Putin gjithnjë e më “paranojak” që e bën luftën në Ukrainë të paparashikueshme.

Zyrtarët amerikanë paralajmërojnë se izolimi në rritje i Putinit e bën më të vështirë për inteligjencën që të japë një vlerësim të saktë të shëndetit fizik dhe mendor të kreut të Kremlinit.