Interi dhe Porto në garë për një biletë të çerekfinales

Liga e Kampionëve rikthehet në këtë javë për të zhvilluar ndeshjet e fundit në të tetën e finales. Gara më e madhe për klube në Evropë është afër përfundimit të këtij rrethi, derisa kanë mbetur vetëm edhe katër ndeshje.

Sonte (e martë), Interi është mysafir i Portos, derisa ndeshja e parë në Itali kishte përfunduar në të mirë të “Nerazzurëve” (1-0). Përballje interesante është edhe ajo në mes të Mançester Sitit dhe Leipcigut, derisa ndeshja e parë në Gjermani u mbyll barazim 1-1. Që të dy këto ndeshje fillojnë nga ora 21:00.