Interpelanca për Dimitrovin javën e ardhshme në seancë plenare

Kuvendi të hënën do të vazhdoj seancën e 30 në rend dite të së cilës mes tjerash është edhe interpelanca e zëvendëskryeministrit për Çështje Evropiane Nikolla Dimitrov. Përveç seancës së 30 Kuvendit do të tentoj që të rrumbullakoj edhe pikat e rendit të ditës të seancës së 32. Shumica parlamentare në Kuvend ka problem me numrin e deputetëve për shkak të mungesës së disave prej tyre, por kjo sipas kreut të Kuvendit nuk paraqet problem sepse për debat nuk është e nevojshme që në sallë të jenë të gjithë deputetët. Mund të debatohet për ligjet dhe pikat tjera, dhe më pas të caktohet votimi dhe të votohen të gjitha ligjet dhe pikat e tjera të rendit të ditës. Kreu i Kuvendit në takimin e sotëm me gazetarët ka theksuar se për të gjitha propozim/ligjet konsultohet edhe me partitë opozitare, por nuk mund të thotë se cilat propozim/ligje mund të mbështeten edhe nga opozita gjatë periudhës së ardhshme.