Inzagi me përqindjen më të mirë të fitoreve nga çdo trajner i “Nerazzurrëve”

Simone Inzagi ka bërë histori te Interi duke iu bashkuar një klubi ekskluziv trajnerësh që kanë gjetur sukses të rëndësishëm te “Nerazzurrët”.

Klubi milanez arriti fitoren e 25-të të sezonit të Serie A të hënën në mbrëmje, duke fituar një fitore 2-0 ndaj Empolit pas golave të Federiko Dimarko dhe Aleksis Sançez. Klubi tani është vetëm 11 pikë larg nga sigurimi matematikor i “Skudeto”-s së 20-të në histori, duke fituar yllin e dytë në fanellë.

Inzagi ka fituar lavdërime të shumta për punën e tij te Interi, duke e kthyer klubin në një klub që mund të konkurrojë me më të mirët në Ligën e Kampionëve, edhe nëse sezoni i tyre u ndërpre nga Atletiko Madrid i Diego Simeones këtë sezon.

Mediumit “Tuttomercatoweb” theksoi se si Inzagi ka siguruar tani fitoren e tij të 100-të me Interin, duke iu bashkuar listës ekskluzive të trajnerëve që kanë arritur suksesin së bashku me Helenio Herrera (205 fitore në 366 ndeshje), Roberto Mançini (176 në 303), Xhiovani Trapatoni (126 në 230) dhe Arpad Weis (110 në 212).

Trajneri 47-vjeçar italian ka gjithashtu përqindjen më të mirë të fitoreve nga çdo trajner i “Nerazzurrëve” që kaloi më shumë se një vit në krye, duke fituar 66.67% të 150 ndeshjeve të tij në krye të ekipit. Antonio Konte dhe Hoze Morinjo janë gjithashtu shumë prapa me një përqindje suksesi prej 62%