fbpx

Irani ekzekuton kampionin e mundjes, Navid Afkar

Irani ka ekzekutuar me vdekje kampionin e mundjes Navid Afkar, i cili ishte dënuar për therjen me vdekje të një roje, gjatë protestave anti-qeveritare më 2018, raporton Reuters.

“Dënimi për hakmarrje kundër Navid Afkari, vrasësi i Hassan Turkman, u krye këtë mëngjes në burgun Adelabad në Shiraz”.

LEXO EDHE:

Kështu ka deklaruar Kazem Mousavi, kreu i Departamentit të Drejtësisë në provincën jugore Fars.

Ky rast kishte tërhequr vëmendjen ndërkombëtare, përfshirë presidentin amerikan, Donald Trump, i cili kishte bërë thirrje që Navid Afkar të mos ekzekutohej.

Sipas familjes dhe aktivistëve, Afkar kishte deklaruar se ishte torturuar dhe e kishin detyruar të bënte një rrëfim të rremë, përderisa avokati ka deklaruar se nuk ka asnjë dëshmi për fajin e tij.

Gjyqësori iranian ka mohuar akuzat për torturë.

Gjithashtu edhe Unioni Botëror i Sportistëve, që përfaqëson 85 mijë sportistë, kishte bërë thirrje ditë më parë që të mos ekzekutohej Afkar, ndërsa ka kërkuar që Irani të përjashtohet nga bota e sportit në rast të ekzekutimit të mundësit 27 vjeçar.

fv

LEXO EDHE:

Back to top button