Ish-kryetari i Koçanit, Dimitrovski: Akuzat janë të trilluar dhe ndjekin të pafajshmit

Ish-kryetari i Koçanit, Ratko Dimitrovski, një ndër të akuzuarit për tragjedinë në diskotekën “Puls”, para gjykatës deklaroi se është i befasuar dhe se, siç tha, “kurrë, por kurrë” nuk kishte mundur të imagjinonte se do të gjendej në bankën e të akuzuarve për ngjarje të cilat kanë ndodhur 13 vite më parë.

Dimitrovski pretendon se akuzat kundër tij janë një trillim i padrejtë, i dëmshëm edhe për familjet që humbën të afërmit. Ai kërkoi, siç tha, drejtësi të vërtetë, drejtësi që nuk ndjek të pafajshmit.

“Menjëherë ditën tjetër, Komuna e Koçanit përgatit dhe dërgon shkresë të re me titull “Ju lutem, kërkesë për mosdhënie të licencës”. Të nderuar, a nuk jemi mbledhur të gjithë këtu për këtë pohim? Në atë kërkesë është shkruar gjithçka që kam qenë i detyruar ta di, çfarë destinimi ka ajo përfshirje nga PDU-ja dhe se nuk ka kushte për vend parkim dhe, në fund, një kërkesë e qartë që të mos jepet leje dhe licencë për diskotekë apo klub nate, sepse nuk është në kompetencë të komunës. Prandaj aty theksohet se do të jetë diskotekë apo klub nate, apo çfarëdo që do të jetë, si do të funksionojë atje”, deklaroi Ratko Dimitrovski, ish-kryetar i Komunës së Koçanit.

Dimitrovski deklaroi se kjo akuzë është “një përgjegjësi e trilluar për të mashtruar opinionin publik” dhe kujtoi se që në vitin 2012 komuna kishte njoftuar pronarin se parkimi nuk ishte i lejuar në parcelat në fjalë.