ISHP: Regjistrohen mbi një mijë raste të reja me grip në Maqedoni

Mbi 1100 raste të personave të prekur nga gripi janë regjistruar në javën e fundit. Sipas Institutit të Shëndetit Publik, numri më i madh i të prekurve janë persona të moshës nga 15 deri 64 vjeçare. Listën me më shumë të sëmurë nga gripi e kryeson Shkupi, me gjithsej 669 të prekur. Në sezonin 2025-2026 numri i përgjithshëm i të prekurve shkon në rreth 15 mijë, ndërsa deri më tani janë regjistruar 4 vdekje të lidhura me gripin. /Alsat.mk