Januzaj larg Seviljës, por mbetet në elitën e futbollit spanjoll

Adnan Januzaj pritet të largohet nga Sevilja vetëm gjashtë muaj, pasi ka nënshkruar me këtë skuadër. Sulmuesi me prejardhje nga Kosova, nuk ka arritur të lë gjurmë “Ramon Sançez-Pizhuan” dhe largimi i tij në janar duket i pashmangshëm.

Trajneri argjentinas Horhe Sampaoli i ka bërë të qartë istogasit se nuk është në planet e tij dhe se mund të largohet. Mediat spanjolle kanë raportuar se Januzaj pritet të përfundojë te Valencia, pasi klubi spanjoll ka mbetur pa shërbimet e Samu Kastillehos së lënduar.

Trajneri Xhenaro Gatuso e pëlqen Januzajn dhe ka kërkuar nga drejtuesit e klubit ta afrojnë kosovarin në ‘Mestalja’. Valencia ka nisur kontaktet me Seviljën për huazimin e anësorit dhe zyrtarizimi mund të ndodhë gjatë kësaj jave. Interesim për anësorin kosovar kanë shprehur edhe Evertoni, Real Sosiedadi dhe Beshiktashi.