Kadyrov: Perëndimi do të më heqë qafe

Lideri i rajonit të Çeçenisë, Ramzan Kadyrov, denoncoi një komplot të shërbimeve të inteligjencës perëndimore kundër tij, përmes ukrainasve.

Në deklarata për “Russia 24”, Kadyrov tha: “Ata po bëjnë të pamundurën për të më hequr qafe. Ka raportime se shërbimet speciale evropiane po përgatisin sulme terroriste kundër meje përmes ukrainasve”.

Nga ana tjetër, ai shprehu besimin e tij për fitoren e Rusisë në territorin ukrainas dhe foli për pasojat e sanksioneve ekonomike të vendosura ndaj vendit të udhëhequr nga Vladimir Putin. Ndër to, ai vuri në dukje mundësinë që të ketë pakënaqësi të gjerë, trazira dhe protesta nga qytetarët. Kjo do të thotë, ai aludoi për një revoltë të mundshme të popullit rus kundër qeverisë.

Një javë më parë, Kadyrov foli për sulmin ndaj Kremlinit të kryer nga dy dronë dhe për të cilin autoritetet ruse akuzuan Ukrainën si përgjegjëse për ngjarjet e ndodhura: “Autorët do të duhet të përgjigjen për këtë akt, pavarësisht se në cilën hemisferë të Tokës ndodhen. Unë e admiroj përmbajtjen dhe mençurinë e Vladimir Vladimirovich (Putin), i cili nuk iu nënshtrua këtij provokimi të urryer”.

Trupat ruse, përveç ndihmës së grupit Wagner, kanë pasur edhe mbështetjen e ushtrisë çeçene. Republika Çeçene është një republikë e vogël ruse në Kaukaz, historia e së cilës shënohet nga lufta e saj për autonomi që nga shekulli XIX. Një vit pas fillimit të luftës së dytë çeçene në 1999, Rusia mori kontrollin e kryeqytetit çeçen, Grozny.

Në vitin 2009 Moska shpalli fundin e konfliktit. Sot, si pjesë e Federatës Ruse, është një enklavë strategjike e vendosur midis vendeve që i përkasin NATO-s.