Katër ekipe shqiptare zbresin në fushë në kuadër të ndeshjeve kthyese të eliminatoreve të Ligës së Kampionëve dhe Ligës së Konferencës. Kampioni i Maqedonisë, FC Shkupi, që ka fituar 3-0 duelin e parë në shtëpi, luan ndeshjen e kthimit kundër “Lincoln Red Imps” në transfertë, në orën 18.00, njëjtë si edhe Ballkani ndaj Zhallgirisit. Kampionët e Kosovës kanë barazuar 1-1 në Prishtinë dhe tani do kërkojnë kalimin në turin e dytë.
Në orën 20:00 vëmendjen më të madhe e merr Tirana, që do synojë përmbysjen në “Air Albania” ndaj Dudelanzhit. Skuadra nga Luksemburgu fitoi 1-0 ndeshjen e parë.
Në terminin e njëjtë, luan edhe KF Drita, që pret finlandezët e Inter Turku. Kujtojmë se dueli i parë mes tyre ka përfunduar 0-1 në të mirë të skuadrës finlandeze.
