Komanda Qendrore e SHBA-së në Lindjen e Mesme njoftoi këtë mëngjes se katër nga gjashtë anëtarët e ekuipazhit të një avioni furnizimi me karburant KC-135, i rrëzuar mbrëmë në Irakun perëndimor, janë konfirmuar të vdekur.
“Më 12 mars, afërsisht në orën 14:00 (ora lindore), një tanker amerikan KC-135 u rrëzua në Irakun perëndimor. Katër nga gjashtë anëtarët e ekuipazhit të avionit janë konfirmuar të vdekur dhe përpjekjet e shpëtimit janë duke u zhvilluar. Rrethanat e incidentit janë nën hetim. Megjithatë, humbja e avionit nuk ishte për shkak të zjarrit armik ose miqësor. Identitetet e anëtarëve të ekuipazhit nuk do të publikohen deri 24 orë pasi të jenë njoftuar të afërmit më të afërt, tha komanda amerikane. /nbc
