Kërkesa e SASHK-ut është joreale, thotë kryetari i LSM-së

Kryetari i LSM-së, Darko Dimovski në emisionin “Magazina Ekonomike” në Alsat, ka vlerësuar se kërkesa e Sindikatës për Arsim, Shkencë dhe Kulturë për rritje të pagave për 18.4% është joreale dhe aktualisht e pamundur të realizohet për shkak të problemeve në ekonominë e brendshme dhe atë globale.

“Për momentin nuk ka asnjë shans që paga të rritet 18.4% për shkak të krizave që i përmenda. Mendojmë se më e pranueshme për këtë vit është 2800 denarë, aq sa është rritur paga minimale. Dhe, deri në vitin e ardhshëm, kur të harmonizohet paga minimale, në mars do të kërkojmë që të zbatohen marrëveshjet kolektive. Kërkojmë nga 1 maji që çdo punëtor të ketë 2800 denarë”, tha Dimovski.