Kompanitë evropiane do të ndërtojnë një rrjet satelitor që do të konkurrojë me “Starlink”

Kompanitë më të mëdha evropiane në fushën e kërkimit hapësinor dhe telekomunikacionit po planifikojnë të ndërtojnë një rrjet satelitësh që duhet të konkurrojnë me “Starlink”, internetin satelitor të ofruar nga kompania me të njëjtin emër e themeluar nga Elon Musk.

Kompanitë evropiane do të ndërtojnë të ashtuquajturën Infrastrukturë për elasticitet, ndërlidhje dhe siguri nga sateliti IRIS2 (IRIS2 – Infrastructure for Resilience, Interconnectivity, and Security by Satellite). IRIS2 do të ofrojë një infrastrukturë të re të sigurt lidhjeje për qeveritë, kompanitë dhe qytetarët e Evropës.

Projekti është ide e Komisionit Evropian, i cili shpalli thirrjen për ndërtimin e një rrjeti satelitësh. Një konsorcium i kompanive më të mëdha të hapësirës dhe telekomunikacionit në Evropë, duke përfshirë Airbus dhe Deutsche Telekom, ndër të tjera, aplikuan për thirrjen.

Projekti duhet të kushtojë 6 miliardë dollarë.