Koronavirusi, Italia nesër vë “traun” me Shqipërinë, ja kush lejohet të kalojë

Pas vendosjes së detyrimit që çdo punonjës i sektorit publik dhe privat të tregojë certifikatën shëndetësore për të hyrë në vendin e punës, Italia duket se po ndërmerr masa të tjera në kuadër të mbrojtjes nga koronavirusi.

Autoritetet vendase kanë vendosur që të mos lejojnë futjen e udhëtarëve nga Shqipëria për në Itali në rastet kur kemi të bëjmë me një udhëtim jo esencial. Pas këtij vendimi, duke filluar nga dita e nesërme, askush nuk do të mundet të futet në Itali për turizëm apo qëllime të ngjashme përveç rasteve kur ka një arsye të fortë.