Kroaci, 22 viktima dhe 956 raste të reja me Covid-19
Gjatë 24 orëve të fundit në Kroaci janë regjistruar 22 viktima dhe 956 raste të reja me COVID-19.
Mbrojtja Civile njoftoi se numri i rasteve aktive në Kroaci është 6.394. Prej tyre, 1.029 pacientë janë në spital, përfshirë 92 në respiratorë.
“Që nga 25 shkurti i vitit 2020 kur u regjistrua rasti i parë me COVID-19, në Kroaci janë regjistruar 258.745 raste me koronavirus, nga të cilët 5.808 kanë humbur jetën dhe 246.543 janë shëruar, përfshirë 820 në 24 orët e fundit”, njoftoi Mbrojtja Civile.
Aktualisht 21.804 persona janë në vetizolim.
Deri më tani janë testuar 1.485.714 persona, prej të cilëve 8.177 në 24 orët e fundit.
