Lionel Mesi, fitoi trofeun e 42-të në karrierën e tij

Sulmuesi i kombëtares së Argjentinës u bë pronar i Kupës së Botës. Skuadra e Lionel Skaloni mundi Francën në finalen e Kupës së Botës 2022 me penallti 4:2, pasi që ndeshja në kohën e rregullt dhe kohën shtesë u mbyll me barazim 3-3.

Argjentinasi fitoi La Ligën 10 herë me Barcelonën, fitoi katër herë Ligën e Kampionëve, 8 herë fitoi Superkupën e Spanjës, 7 herë Kupën e Spanjës, si dhe tri herë fitoi Kupën e Botës për Klube dhe Superkupën e Evropës.

Me PSZH -në, ai mori kampionatin francez dhe Superkupën e vendit. Si pjesë e kombëtares së Argjentinës, Lionel, përveç Kupës së Botës, mori Kupën e Amerikës, fitoi Olimpiadën, fitoi Kampionatin Botëror të të rinjve.