LSM kërkon mbledhje urgjente me Qeverinë, nuk shohin para në buxhet shtesë për rritje të pagave prej 2806 denarë

Kujtojmë se në negociatat për Marrëveshjen e re të Përgjithshme Kolektive për sektorin publik është pranuar që rritja lineare e pagave për së paku 2806 denarë do të ndodhë me rebalancin e buxhetit, siç u bindëm nga Qeveria, por fatkeqësisht rezulton për të qenë thjesht një blerje në kohë dhe për të luajtur me fatin e 130 mijë punëtorëve në vend në një kohë kur kriza ekonomike, energjetike dhe inflacioni po hanë pagat e punëtorëve, thuhet në reagimin e Lidhjes së Sindikatave të Maqedonisë lidhur me rebalancin e buxhetit.

Ata kërkojnë një takim urgjent me Qeverinë, e cila do të konfirmojë atë që është rënë dakord në parim dhe të zbatohet menjëherë.

“Nëse tani nuk arrihet marrëveshje për 2806 denarë, nga shtatori do të jetë 18,4 për qind, gjegjësisht aq sa është rritur paga minimale sipas ligjit, ku duhet të respektohet afati 6-mujor, për çka Qeveria ka thënë qartë se pjesa tjetër e pagave do të harmonizohet brenda 6 muajve dhe nuk do të ketë më kthim!”, nënvizohet në njoftimin e LSM-së.

Ata kujtojnë se lSM dhe sindikatat kërkuan rritje të pagave nga 1 maji dhe për këtë dolën në rrugë mbi 7500 punëtorë, të cilët qartazi dërguan mesazhin se duhet menjëherë rritje pagash, por padyshim mesazhi nuk është kuptuar.

“LSM-ja përpiqet t’i ndihmojë punëtorët me të ardhura më të ulëta dhe për këtë arsye kërkesa për rritje të pagave për 2806 denarë është zgjidhje solidariteti i menjëhershëm, përndryshe nga sinjalet e dërguara me buxhetin shtesë solidariteti do të zhduket dhe punëtorët do të kërkojnë atë që u takon me ligj”, thonë nga LSM.

LEXO EDHE:

Back to top button