Maks Verstapen, triumfon dhe vendos rekord të ri në Formula 1

Piloti i “Red Bull”-it, Maks Verstapen, është fitues i garës për Çmimin e Madh të Meksikës dhe për holandezin 25-vjeçar, ishte fitorja e 14-të sezonale në kampionatin e Formula 1.

Me këtë rast Verstapen vendosi një rekord të ri për sa i përket numrit të garave të fituara në një sezon, duke tejkaluar rekordin e mëparshëm të Mihael Shumaherit dhe Sebastian Fetellit, të cilët kanë regjistruar nga 13 fitore brenda një sezoni.

Në garën për Çmimin e Madh të Meksikos, Luis Hamilton me makinën “Mercedes” përfundoi në vendin e dytë duke lënë pas shokut e skuadrës së Verstapenit në “Red Bull”, Serhio Perez. Gara e radhës do të zhvillohet më 13 nëntor në Brazil, në pistën “Interlagos”.