Martinez: Dua trofen e parë me Interin

Alsat
19.08.2020 23:04

Lautaro Martinez po pret me padurim finalen e Europa League ndaj Seviljws që do të zhvillohet të premten në Keln të Gjermanisë, me shpresën se do të arrijë të fitojë trofeun e tij të parë me Interin. Lautaro në intervistën e dhënë për kanalin zyrtar të UEFA-s nuk rresht së falenderuari Antonio Konte për mundësinë që i ka dhënë për t’u shfaqur si protagonist me zikaltrit në këtë sezon.

“Shpresoj që ndeshja e fundit e sezonit të jetë speciale për ne. Të premten duam të ngrejmë lart trofeun. Interi po rritet shumë si grup. Është finalja ime e parë, dhe dua të fitoj trofeun tim të parë me Interin. Konte më ka telefonuar sapo ka ardhur tek Interi kur unë isha me pushime. Më ka ndihmuar shumë të rritem. Është një trajner që ka besim tek unë dhe më ka ndihmuar të rritem dhe të ndryshoj mentalitet,” tha mes tjera Martinez.

Në fund argjentinasi tha edhe dy fjalë për kundërshtarin në finale.

“Sevilja ka luajtur shumë finale dhe kjo do thotë që është një skuadër serioze që luan mirë. Është një kundërshtar i fortë”, përfundoi Lautaro Martinez.