Martinez: Tani mendojmë vetëm për sfidën në Kiev

Sulmuesi i Interit, Lautaro Martinez ka komentuar barazimin 2-2 kundër Atalanta-s.

“Jam i kënaqur për golin edhe pse nuk kemi arritur ta fitojmë ndeshjen. Duhet të punojmë dhe të vazhdojmë të përmirësohemi, sepse ishim në avantazh në shtëpi dhe nuk kemi arritur ta ruajmë.

Barella? Është një lojtar shumë i rëndësishëm për ne dhe po e tregon çdo ditë duke dhënë asiste dhe duke na dhënë mundësi të shënojmë”.

Dy pikë të humbura apo një e fituar? Duke parë si ka shkuar ndeshja do të thoja një pikë e fituar, por donim ta fitonim ndeshjen, sepse ishim në shtëpi dhe në avantazh. Tani duhet të mendojmë për ndeshjen në Kiev dhe duhet të marrim tri pikët,” ka thënë argjentinasi për Inter TV.