Mbështetësit e Trump sulmojnë gardhin rrethues, evakuohen disa zyra të Kongresit në SHBA

Me qindra mbështetës të presidentit Donald Trump kanë vërshuar në barrikadat që rrethojnë ndërtesën e Kapitolit në SHBA.

Mediat raportojnë se mbështetësit e Trump janë përplasur me forcat e policisë të cilat nga ana tjetër kanë hedhur spraj me piper ndërsa, në Kongres mbahet një sesion për të ratifikuar fitoren e presidentit të zgjedhur Joe Biden.

Ndërkohë, dy zyra në ndërtesë janë evakuuar ndërsa pjesëmarrësit në protestë sulmonin barrierat.

Video të publikuara në mediat sociale tregojnë mbështetësit e Donald Trump që mbajnë në duar pankarta me parrulla pro-presidentit.