Portieri i Sautemptonit, Aleks Mekarti e ka përshkruar sulmuesin shqiptar, Armando Broja si futbollist I klasit elitar. Sulmuesi shqiptar erdhi si zëvendësues i Adam Armstrong në barazimin e së shtunës ndaj Uest Hamit.
Megjithatë, ndikimi i Brojës në ndeshje u dallua dhe sulmuesi shqiptar ka marrë komplimente nga portieri i ekipit të tij.
“Të gjitha zëvendësimet ishin të shkëlqyera. Ata patjetër ndryshuan ngjyrën e lojës. Armando kur hyri në lojë, mendova se ishte top klasë. Ka shumë gjera pozitive që mund të marrim nga ai. Ai është një djalë i shkëlqyer së bashku me Tino (Livramento) dhe të gjithë të tjerët që kanë ardhur këtu. Mendoj se ne kemi një grup vërtet të mirë të djemve këtë sezon, ka një shpirt të madh ekipor. Ai (Broja) e zbaton veten shumë mirë në stërvitje dhe kjo është arsyeja pse ai ka shansin e tij në lojë”, ”, ka thënë MeKarthi për “Daily Echo”.
