Mickoski: Komiteti Ekzekutiv i partisë sonte diskuton çështjen e referendumit

Lideri i partisë më të madhe opozitare Hristijan Mickoski ka njoftuar sot se Komiteti Ekzekutiv i VMRO-DPMNE-së do të mblidhet sonte për të shqyrtuar çështjen e referendumit dhe për zhvillimet tjera politike në vend.

“Sot kemi seancë të Komitetit Ekzekutiv nga ora nëntë, nesër do të mblidhet Komiteti Qendror. Ne do të diskutojmë ngjarjet aktuale. Dëshiroj që Komiteti Ekzekutiv të prononcohet edhe për djegien e veturës së deputetit në Prilep. Prilepi këtyre ditëve i ngjan Bejrutit në rastin më të keq. Një automjet i ri është djegur sërish sot, gjegjësisht gjatë natës, tha Mickoski.