Microsoft është duke testuar versionin 22H2 të Windows 11-ës prej disa muajsh, por data e debutimit ka ngelur një mister

Windows 11 22H2 mbërrin më 20 Shtator

Microsoft është duke testuar versionin 22H2 të Windows 11-ës prej disa muajsh, por data e debutimit ka ngelur një mister, të paktën deri tani. Sipas informacioneve të Zac Bowden të Windows Central, versioni më i fundit i sistemit operativ do të debutojë më 20 Shtator dhe qëndron në një linjë me debutimin e Windows 11-ës vitin e kaluar.

Kujtojmë se sistemi operativ filloi të dërgohej tek përdoruesit më 5 Tetor dhe gjithashtu është periudha kur Microsoft lançon produkte të reja Surface. Në të vërtetë presim që në Tetor Microsoft përveç prezantimit lançimit të përditësimit të parë të Windows 11-ës, të zbulojë Surface Pro 9 dhe Surface Laptop 5.

Pak javë më parë u tha se versioni i ardhshëm madhor i Winows do të jetë Windows 12 por që vjen vetëm në 2024. Në vend të përditësimeve vjetore me funksionalitete, do të kemi përditësime të tilla të vogla si ky i Windows 11-ës dhe të jenë 3 apo 4 të tilla çdo vit. Kështu kompania do të rikthehet tek cikli i vjetër i sistemeve operativ që e braktisi me Windows 10-ën por e riktheu me Windows 11-ën.

Çdo 3 apo 4 vite tashmë mund të presim një version madhor të Windows. /PCWorldAlbanian

LEXO EDHE:

Back to top button